Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i NISMA-s, Fatmir Limaj, ka mirëpritur takimin e liderëve politikë si një hap të domosdoshëm drejt zgjidhjes së krizës politike në vend, por ka theksuar se në këtë tryezë u fol më shumë për interpretimin e aktgjykimit të Gjykatës Kushtetuese, e më pak për zgjidhjen konkrete të krizës. Në një konferencë për media, Limaj tha se pas tre muajsh është arritur të mbahet një takim i tillë mes partive parlamentare, veçanërisht atyre shqiptare, por theksoi nevojën për një marrëveshje politike si e vetmja rrugëdalje. “Kriza politike nuk zgjidhet me aktgjykime, por me marrëveshje politike,” tha ai, duke shtuar se Gjykata Kushtetuese vetëm ka dhënë udhëzime, jo zgjidhje. Ai u shpreh i gatshëm të japë kontributin e tij në funksion të një marrëveshjeje gjithëpërfshirëse që do të çonte në konstituimin e institucioneve. Limaj tha se takimi i parë ishte i rëndësishëm për të identifikuar pozicionet politike dhe u shpreh optimist se do të ketë vazhdimësi në dialogun politik për të kapërcyer situatën aktuale.
