Në Deçan u mbajt mbledhja e Këshillit Komunal për Siguri në Bashkësi

01/07/2025 Institucionet

Në Deçan u mbajt mbledhja e radhës e Këshillit Komunal për Siguri në Bashkësi (KKSB) të cilën e kryesoj Kryetari i Komunës së Deçanit, z. Bashkim Ramosaj.

Në fjalën e tij hyrëse, kryetari Ramosaj theksoi se siguria në komunën e Deçanit është e kënaqshme dhe në suaza normale, duke shprehur kënaqësinë për stabilitetin e përgjithshëm. Por, ngriti disa shqetësime që lidhen me sjelljen në komunikacion, veçanërisht ngasjen me shpejtësi të lartë nga ana e qytetarëve, si dhe problemin me qentë endacakë, që po vazhdon të jetë sfidë.

Përfaqësuesi i Policisë së Kosovës në këtë takim potencoi se situata e sigurisë është e mirë, megjithatë u veçuan disa raste të dhunës në familje, të cilat mbeten shqetësuese dhe kërkojnë vëmendje të shtuar nga institucionet dhe shoqëria.

Nga Drejtori për Shërbime Publike, z. Izet Zenuni u theksua se nuk mund të ketë polic të pranishëm në çdo rrugë të komunës, përveç në afërsi të shkollave dhe institucioneve shtetërore, ku prania është më e theksuar.

Komuna e Deçanit, përmes Këshillit Komunal për Siguri në Bashkësi do të vazhdojë të punojë për ruajtjen e rendit dhe sigurisë publike, duke bashkëpunuar ngushtë me institucionet relevante dhe qytetarët.

Kontrolloni gjithashtu

Kuvendi i Komunës së Rahovecit mbajti mbledhjën e gjashtë për vitin 2025

Udhëhequr nga kryesuesi i kuvendit Arbër Zenuni, u mbajt seanca e muajit qershor, e gjashta …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara