Ka ndërruar jetë veterani e invalidi i UÇK-së, Remzi Aliu

07/07/2025 Institucionet

Organizata e Veteranëve të Luftës së UÇK-së – dega në Ferizaj, njofton se është ndarë nga jeta Veterani/Invalid i Ushtrisë Çlirimtare të Kosovës, Remzi I. Aliu.

Kjo organizatë po ashtu njofton se varrimi do të bëhet, më 7 korrik 2025 (sot, e hëne), në ora 17:00, në varrezat e fshatit Greme – lagjja Karameta.

OVL-UÇK shpreh ngushëllimet më të sinqerta për familjen Aliu, bashkëluftëtarët dhe gjithë miqtë e tij!

Me këtë rast, edhe Kryetari i Komunës së Ferizajt, Agim Aliu, përmes telegramit i shpreh ngushëllime të sinqerta familjes Aliu, bashkëluftëtarëve, miqve e të njohurve të të ndjerit.

Në telegram thuhet: Me dhembje e pikëllim të thellë, morëm lajmin për ndarjen nga jeta të luftëtarit nga të parët në radhët e Ushtrisë Çlirimtare të Kosovës, familjarit të Dëshmorit të Kombit, Ismet Aliu, invalidit të UÇK-së, bashkëqytetarit tonë Remzi Aliu.

” Vepra e kontributi i tij për lirinë e Kosovës do të mbeten përjetësisht të skalitura në kujtesën e historinë tonë të çlirimit. Ngushëllime të sinqerta familjes Aliu, bashkëluftëtarëve, miqve e të njohurve të të ndjerit” mbyllet telegrami i ngushëllimit i kryetarit të Ferizajt, z. Agim Aliu.

Kontrolloni gjithashtu

Pensionohet mësimdhënësja Xhulije Xhemajli pas 28 vitesh kontribut në arsim

Pas një karriere të gjatë në arsim, është pensionuar mësimdhënësja klasore Xhulije Xhemajli, e cila …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara