Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, ka reaguar pas dështimit të seancës së 45-të me radhë për konstituimin e Kuvendit të Kosovës. Në një deklaratë për media, Limaj tha se kriza aktuale politike po e dëmton rëndë shtetin dhe se urgjentisht duhet të vihet në epiqendër interesi shtetëror. “E njëjta situatë po përsëritet. Ky ngërç duhet të tejkalohet duke e vendosur në epiqendër shtetin. Shumë njerëz mendojnë se ekzistenca e shtetit është diçka e mirëqenë. Por shteti duhet të meritohet dhe mirëmbajt çdo ditë që ta kemi”, u shpreh Limaj. Ai paralajmëroi se ngërçi i vazhdueshëm institucional e bën funksionimin e shtetit gjithnjë e më të brishtë dhe theksoi se historia njeh shumë raste të shteteve që nuk ekzistojnë më për shkak të papërgjegjshmërisë politike. “Bota ka njohur shumë shtete që nuk ekzistojnë më”, shtoi ai, duke kërkuar reflektim nga të gjitha palët politike për të garantuar stabilitet dhe funksionalitet institucional në vend.
