Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pilotët e Forcës së Sigurisë së Kosovës kanë përfunduar me sukses trajnimin rifreskues me helikopter në Shkollën e Aviacionit Tokësor në Isparta të Republikës së Turqisë. Oficerët major Afrim Zabeli, kapiten Atdhe Hasani dhe kapiten Krenar Voca zhvilluan dhe përmirësuan aftësitë e tyre përmes fluturimeve praktike, duke përfshirë skenarë të fluturimeve emergjente dhe taktike. Përveç aspektit teknik, trajnimet shërbyen si platformë për shkëmbimin e përvojave profesionale me kolegët e Forcave të Armatosura të Turqisë, duke treguar nivelin e lartë të përgatitjes së FSK-së. Republika e Turqisë ka qenë një partnere e qëndrueshme në mbështetjen e FSK-së, duke ndihmuar vazhdimisht në ngritjen e kapaciteteve të saj ushtarake, përfshirë ato ajrore. Ky bashkëpunim ndihmon në rritjen e ndërveprueshmërisë me partnerët ndërkombëtarë dhe në ndërtimin e një ushtrie moderne, të aftë dhe profesionale.
