Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti amerikan Donald Trump ka nënshkruar një urdhër ekzekutiv për rritjen e tarifave doganore ndaj dhjetëra vendeve, në përpjekje për të “ristrukturuar tregtinë globale në favor të punëtorëve amerikanë”, njoftoi Shtëpia e Bardhë.
Tarifat variojnë nga 10% deri në 41%, me Sirinë që përballet me nivelin më të lartë. Bashkimi Evropian, Japonia dhe Koreja e Jugut do të goditen me tarifa prej 15%.
Serbia është ndëshkuar më rëndë në rajon me tarifa prej 35%, ndërsa Bosnja dhe Hercegovina me 30%. Kosova dhe Shqipëria nuk janë përfshirë në listën e re, ndonëse më 2 prill ishin goditur me tarifa prej 10%.
Tarifat e reja hyjnë në fuqi më 7 gusht. Ndërkohë, për mallrat kanadeze tarifa ngrihet nga 25% në 35%, për shkak të “mosbashkëpunimit në luftën kundër fentanilit”, sipas Shtëpisë së Bardhë. Kanadaja ka paralajmëruar kundërmasa nëse nuk arrihet një marrëveshje deri në gusht.
Administrata amerikane po i jep kohë Meksikës për një marrëveshje të re, duke shtyrë tarifat për 90 ditë, ndërsa Kina ka afat deri më 12 gusht për të finalizuar një marrëveshje tregtare me SHBA.
