Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike të Kosovës (LDK), Hykmete Bajrami, ka deklaruar se ngërçi politik aktual në vend përbën një “vetëgrusht-shtet”, duke akuzuar Lëvizjen Vetëvendosje për mungesë gatishmërie për kompromis, ndryshe nga partitë e tjera politike.
Në një tryezë të organizuar nga Friedrich Ebert Stiftung (FES) dhe Instituti i Kosovës për Drejtësi (IKD), me temën “Kuvendi në pauzë, demokracia në sprovë: A është kompromisi dhe konsensusi zgjidhja?”, Bajrami u shpreh se pushteti aktual po e uzurpon demokracinë duke refuzuar bashkëpunimin me opozitën.
“Jo vetëm që kemi grusht-shtet, por një vetëgrusht-shtet. Partia në pushtet dëshiron të qeverisë e vetme, duke u thirrur në rezultatin e zgjedhjeve të 14 shkurtit. Në këto katër vjet nuk është pranuar asnjë amendament nga opozita – ku është demokracia këtu?”, theksoi Bajrami.
Sipas saj, të gjitha partitë opozitare kanë ofruar kompromise, por vetëm Lëvizja Vetëvendosje ka refuzuar çdo marrëveshje. “Ata insistojnë që Albulena Haxhiu është më e rëndësishme se çdo gjë tjetër,” shtoi ajo.
