Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
E Ngarkuara me Punë në ambasadën e Shteteve të Bashkuara në Prishtinë, Anu Prattipati, ka mirëpritur gjeneral-brigadierin Sean Flynn, përfaqësues ushtarak i SHBA-së në detyrë në Komitetin Ushtarak të NATO-s. Sipas njoftimit të Ambasadës Amerikane, vizita e gjeneralit Flynn ka për qëllim forcimin e bashkëpunimit dypalësh ndërmjet SHBA-së, Ministrisë së Mbrojtjes dhe Forcës së Sigurisë së Kosovës (FSK). Gjatë qëndrimit të tij, ai do të informohet për zhvillimet më të fundit në marrëdhëniet e sigurisë dhe do të diskutojë mundësitë për thellimin e bashkëpunimit strategjik. Flynn pritet të vizitojë gjithashtu Kampin Bondsteel, ku do të takohet me personelin ushtarak amerikan që mbështet misionin e Forcës së NATO-s në Kosovë – KFOR. Kjo vizitë, sipas ambasadës, nënvizon angazhimin e vazhdueshëm të Shteteve të Bashkuara për paqen, sigurinë dhe stabilitetin në Kosovë dhe rajon.
