Përurohet investimi në objektin e banimit social 01 në Malishevë

Në ceremoninë e përurimit morën pjesë Kryetari i Komunës së Malishevës, z. Ekrem Kastrati, ministrja e Ekonomisë në detyrë, znj. Artane Rizvanolli, drejtori i Fondit Kosovar për Efiçiencë të Energjisë, z. Driton Hetemi, përfaqësues të Bashkimit Europian në Kosovë, z. Alessandro Bianciardi, përfituesit e projektit dhe anëtarë të komunitetit lokal.

Gjatë fjalës së tij, Kryetari Ekrem Kastrati shprehu mirënjohje për bashkëpunimin institucional dhe mbështetjen financiare që ka mundësuar realizimin e këtij projekti, duke theksuar rëndësinë e tij për përmirësimin e kushteve të jetesës së qytetarëve në nevojë.

Ky investim është shembull i mirë i bashkëpunimit mes komunës dhe partnerëve ndërkombëtarë. Urime përfituesve dhe gjithë qytetarëve të Malishevës, tha kryetari Kastrati.

Nga një fjalë rasti në këtë ceremoni të përurimit kanë mbajtur edhe ministrja në detyrë znj. Rizvanolli, përfaqësuesi i zyrës së BE’së në Kosovë, z. Bianciardi dhe drejtori i FKEE, z. Hetemi.