Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i BDI-së, Ali Ahmeti, ka prezantuar sot emrin dhe logon e koalicionit të ri politik shqiptar – Aleanca Kombëtare për Integrim, që përfshin figura të rëndësishme si Ziadin Sela, Arben Taravari dhe të tjerë. Ahmeti tha se ky bashkim synon të sjellë unitet mes shqiptarëve në Maqedoninë e Veriut dhe të përqendrohet në agjendën evropiane të vendit. “Jetojmë në kohë të vështira, kur shqiptarët po respektohen gjithnjë e më pak. Por nuk e harrojmë destinacionin tonë – integrimin evropian”, shkroi Ahmeti në Facebook. Ai e cilësoi këtë aleancë si një “besëlidhje të fitores, të besimit dhe të integrimit”, duke e përmbyllur me mesazhin simbolik: “Vetëm së bashku ndërtojmë të ardhmen që meritojmë.” Koalicioni pritet të garojë i bashkuar në zgjedhjet parlamentare të tetorit në Maqedoninë e Veriut.
