Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti Bedri Halimi ka publikuar një qëndrim të fortë mbi trajtimin e bashkëpunëtorëve të okupatorit në Danimarkë pas Luftës së Dytë Botërore, duke e krahasuar me trajtimin që po u bëhet sot pjesëtarëve të Ushtrisë Çlirimtare të Kosovës. Ai kujton se Danimarka menjëherë pas çlirimit arrestoi mbi 20 mijë persona për kolaboracionizëm dhe dënoi mijëra prej tyre, përfshirë edhe me burgim të përjetshëm e me vdekje. Sipas Halimit, në Kosovë, përkundrazi, tradhtarët nuk janë prekur fare dhe po veprojnë lirshëm, madje shumë prej tyre shfaqen si dëshmitarë kundër ish-luftëtarëve të UÇK-së në procese të montuara politikisht. Ai shton se numri i dëshmitarëve shqiptarë kundër çlirimtarëve është më i madh se ai i dëshmitarëve shqiptarë në procesin e Millosheviqit në Hagë, dhe shumë nga dëshmitë janë në përputhje me narrativën e BIA-s dhe prokurorisë serbe. Në vend të drejtësisë ndaj tradhtarëve, në Kosovë po ndodh padrejtësia ndaj atyre që sakrifikuan për liri, një realitet i dhimbshëm që kërkon reflektim kombëtar dhe veprim institucional.
