Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në vazhdimin e seancës konstituive të Kuvendit të Kosovës, pas dy dështimeve radhazi të mërkurën, Lëvizja Vetëvendosje propozoi ministrin në detyrë të Financave, Hekuran Murati, si kandidat për kryetar të Kuvendit. Propozimi u bë nga Donika Gërvalla-Schwarz, e cila në foltore vlerësoi lart punën dhe rezultatet e Muratit në qeverisje. Por kandidatura e tij nuk arriti të sigurojë shumicën e nevojshme: vetëm 57 vota pro, 51 kundër dhe 6 abstenime. Për pasojë, seanca u ndërpre sërish dhe u caktua të vazhdojë më 24 gusht, në orën 11:00. Sipas vendimit të fundit të Gjykatës Kushtetuese, Vetëvendosje ka të drejtë të propozojë të njëjtin kandidat deri në tri herë. Konstituimi i Kuvendit duhet të përmbyllet brenda afatit prej 30 ditësh nga hyrja në fuqi e aktgjykimit.
