Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Unike Gorane, Adem Hoxha, është përjashtuar nga Grupi Parlamentar i Aleancës për Ardhmërinë e Kosovës. Vendimi, sipas burimeve të Gazetës Express brenda AAK-së, është marrë pas zhvillimeve në seancën e fundit parlamentare, ku votimi i Hoxhës ka qenë në kundërshtim me qëndrimin zyrtar të partisë. Burimet bëjnë të ditur se Hoxha votoi në favor të kandidatit të Listës Serbe, Slavko Simiq, për postin e nënkryetarit të Kuvendit nga radhët e komunitetit serb. Ky veprim, sipas AAK-së, bie ndesh me marrëveshjet dhe qëndrimet e grupit parlamentar. Adem Hoxha i ishte bashkuar Grupit Parlamentar të AAK-së në muajin prill të këtij viti. Në atë kohë, kryetari i partisë, Ramush Haradinaj, kishte theksuar se Aleanca është e hapur për përfaqësues të komuniteteve të ndryshme, sidomos duke pasur parasysh se grupit i mungonte një deputet për të pasur përbërje të plotë.
