Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Demokratik për Integrim, ka reaguar ashpër ndaj VLEN-it, duke i akuzuar për mashtrime elektorale dhe dështime qeverisëse. Në një komunikatë, BDI ka theksuar se çdo premtim i dhënë nga VLEN doli të ishte “mashtrim i madh” dhe çdo fjalë e thënë prej tyre “një gënjeshtër e madhe”. Në reagim, BDI kujton premtimet e parealizuara të VLEN-it, duke përmendur mes tjerash themelimin e Akademisë së Shkencave dhe Arteve Shqiptare, që sipas tyre u zëvendësua me vizitën e Milorad Dodikut dhe donacionet nga kompani serbe. “VLEN i mori në qafë shqiptarët dhe qytetarët e tjerë, e largoi vendin nga Europa dhe e afroi me Serbinë, Rusinë dhe Kinën”, thuhet në deklaratë. BDI i ka listuar edhe disa premtime të tjera të VLEN-it që, sipas tyre, nuk janë realizuar, përfshirë 2.500 punësime, 10 mijë euro për çdo qytetar, një bankë shqiptare dhe ndryshime kushtetuese për integrim europian. Partia thekson se zgjedhjet e 19 tetorit i konsideron si “referendum popullor për dinjitet kombëtar”, ku qytetarët, sipas BDI-së, do të japin përgjigjen e duhur ndaj asaj që e quan “nënshtrim, tradhti të votës dhe puthadorësi politike”.
