Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës ka bastisur shtëpinë e shtetases serbe Ana Murganiq, e arrestuar ditë më parë në Kroaci për spiunazh në lidhje me Listën Serbe. Zëdhënësi i Policisë, Veton Elshani, ka konfirmuar se bastisja u krye pasi u morën informacione se në pronën e saj në Kosovë mund të kishte armë dhe pajisje të dyshimta. “Në momentin që u publikua informacioni për arrestimin e saj në Kroaci, për ne kjo ishte mjaft me interes. Kemi identifikuar adresën, kemi marrë të dhëna se në atë shtëpi mund të gjendeshin armë. Pas bastisjes, kemi gjetur një sprej, disa gëzhoja dhe fishekë. Më pas jemi larguar nga vendi”, tha Elshani. Hetimet ndaj Murganiq mbeten në kuadër të bashkëpunimit ndërkombëtar, ndërsa autoritetet kosovare pritet të vazhdojnë verifikimin e mundshëm të lidhjeve të saj me strukturat ilegale në veri të vendit.
