leoni

Kuvendi i Komunës së Rahovecit, mbajti mbledhjen e rregullt, të tetën për vitin 2025

30/08/2025 Institucionet

Udhëhequr nga kryesuesi i kuvendit komunal të Rahovecit, Arbër Zenuni, u mbajt seanca e muajit gusht, e teta e rregullt për këtë vit kalendarik.

Të pranishëm në seancë përveç shumicës së kuvendarëve (25), si zakonisht ishin edhe Kryetari i Komunës Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë etj.

Fillimi i seancës karakterizohet me diskutime dhe pyetje të ndryshme nga kuvendarët, drejtuar kryetarit të komunës dhe drejtorive përkatëse.

Pyetjet dhe diskutimet ishin rreth këtyre çështjeve:

Kullimi i tokave bujqësore në Celinë – qasja e bujqve në ara, Tatimi mbi pronë – pagesa me këste, Arsimi në Rahove, fillimviti dhe higjiena në shkolla, Larja e rrugëve dhe ndriçimi publik në Krushë të Madhe, Rruga fushore prej varrezave të dëshmorëve (Brestoc), deri te rruga e asfaltuar që të çon te “Mella”, Rrugët fushore në Celinë, Ndërrimi i shtyllave elektrike – kyçja e ndriçimit, Sheshi qëndror – hapësirat e gjelbërta, Kontrata kolektive – urdhëresat përmbarimore, Zjarrfikësit, Vendosja e pengesave të asfaltit në asfalt, Hedhja e mbeturinave – vetëdijësimi i popullatës.

RENDI I DITËS ishte voluminoz me 8 pika të rregullta dhe një pikë shtesë:

Shqyrtimi dhe miratimi i procesverbalit nga mbledhja e kaluar

Pyetjet, përgjigjet dhe diskutimet e kuvendarëve

Shqyrtimi dhe miratimi i vendimit për dhurimin e laptopave, anëtarëve të kuvendit të komunës

Shqyrtimi dhe miratimi i vendimit për miratimin e deklaratës për eleminimin e té gjitha formave të dhunës ndaj grave në politikë dhe në jetën publike

Shqyrtimi i Planit të Veprimit për Zbatimin e Rekomandimeve të ZAK-së, për vitin 2024

Shqyrtimi i informatës për gjendjen e mbeturinave në komunën e Rahovecit

Shqyrtimi i informatës rreth aktiviteteve për nder të “Muajit të Mërgimtarëve” për vitin 2025

Shqyrtimi i raportit për zbatimin e Planit të Integritetit, janar – qershor 2025

Pikat e rendit të ditës u votuan me shumicë votash dhe unanimisht nga anëtarët e kuvendit.

Kontrolloni gjithashtu

Kryetari Haliti takoi drejtorët e shkollave në prag të vitit të ri shkollor

Në prag të fillimit të vitit të ri shkollor, kryetari i Komunës së Vitisë, Sokol …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara