Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria e Kosovës ka shpenzuar 784.9 milionë euro në tremujorin e dytë të vitit 2025, sipas të dhënave të fundit të publikuara nga Agjencia e Statistikave të Kosovës. Krahasuar me të njëjtën periudhë të vitit të kaluar, kur shpenzimet e ekzekutivit ishin 679.1 milionë euro, kjo përbën një rritje të konsiderueshme. ASK-ja tregon se pjesën më të madhe të shpenzimeve e përbëjnë: kompensimi i punëtorëve me 28%, kontributet sociale dhe përfitimet me 26%, formimi i kapitalit bruto me 15%, dhe konsumi i ndërmjetëm me 14%. Pjesa tjetër e buxhetit është shpërndarë në kategori të tjera të shpenzimeve. Analistët e ekonomisë vlerësojnë se rritja e shpenzimeve reflekton si investime në staf dhe përfitime sociale, ashtu edhe nevojën për zhvillim të infrastrukturës dhe kapaciteteve publike.
