Kryetari Haliti kujton 7 Shtatorin – Ditën Kushtetuese të Kaçanikut (1990)

07/09/2025 Institucionet

7 shtatori i vitit 1990 shënon njërën nga datat më të rëndësishme të historisë sonë kombëtare. Në Kuvendin e Kaçanikut, u shpall Deklarata Kushtetuese e Kosovës, akti themeltar që i parapriu shtetformimit dhe rrugëtimit tonë drejt lirisë e pavarësisë, ka shkruar në profiline  tij në facebook, kryetari i komunës së Vitisë, z. Sokol Haliti.

“Sot kujtojmë me nderim e mirënjohje të gjithë ata delegatë, veprimtarë e atdhetarë që me vizionin dhe guximin e tyre vunë themelet e shtetit të Kosovës. Shumë prej tyre sot nuk janë më mes nesh, por vepra e tyre do të mbetet përjetësisht në historinë dhe kujtesën tonë kombëtare.

Kosova e pavarur sot është rezultat i asaj rruge të gjatë sakrifice dhe përkushtimi. Ne jemi të thirrur ta vazhdojmë këtë rrugë – për një shtet demokratik, të zhvilluar dhe të integruar në familjen euroatlantike.

Lavdi dhe mirënjohje përjetë për të gjithë ata që bënë të mundur këtë ditë historike”, thuhet në postimin e kryetarit të Vitisë. z. Sokol Haliti.

Kontrolloni gjithashtu

Nesër më 23 tetor promovohet libri “Në emër të gjakut” të autorit Ahmet Prençi

Komuna e Deçanit nën përkujdesjen e kryetarit, z. Bashkim Ramosaj ju fton të merrni pjesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara