Kryetari i komunës së Rahovecit, z. Smajl Latifi, i shoqëruar nga nënkryetari Fatmir Iska të mërkurën vizitoj bizneset “Termoteknika” dhe “Agoni-M” në Xërxë. Në postimin e tij në facebook, ai ka shkruar:
“Termoteknika” në Xërxë nuk është ndalur nga puna që nga viti 2002, duke ofruar shërbime brenda dhe jashtë komunës sonë.
Pronari Eqerem Kryeziu na priti sot për një vizitë dhe tregoi që kompania e tij punëson rreth 15 punëtorë dhe merret me instalimin dhe shitjen e sistemeve të ngrohjes, me pajisje të importuara nga Gjermania.
Eqeremin e përgëzova për përkushtimin në punë, ndërkohë që gjetëm kohë të diskutojmë edhe për nevojat e sipërmarrësve dhe mundësitë që institucionet të ndikojnë për të krijuar lehtësira për bizneset”.
Gjatë ditës, kryetari Latifi vizitoi edhe kompaninë tjetër nga Xërxa, Agoni – M ku u mirëprit nga pronari, Agon Miftari.
“Përveç shitjes dhe instalimit të ndriçimit brenda vendit, kompania “Agoni-M” nga Xërxa eksporton llambadarë në Shqipëri, Mal të Zi dhe Slloveni, me një gamë të gjerë prej 5,000 llojesh të ekspozuara në sallonin e saj të shitjes.
Pronari, Agon Miftari, na informoi se kompania ka një ekip prej shtatë punëtorëve për instalimin e sistemeve elektrike, duke ofruar shërbime kudo në Rahovec.
E falënderojmë për pritjen dhe i urojmë suksese të mëtejshme”, thuhet në postimin e kryetarit Latifi.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
