Tryezë diskutimi në Viti për dezinformatat mediale dhe fuqizimin e mediave të pavarura

22/09/2025 Institucionet

Në Viti u mbajt një tryezë diskutimi e organizuar nga Qendra Kosovare për Studime të Sigurisë (QKSS), me temën “Mediat dhe dezinformatat mediale”, ku u trajtuan sfidat e lajmeve të rrejshme dhe ndikimi i tyre në shoqëri.

Përfaqësuesit e QKSS-së prezantuan para të pranishmëve hulumtimet dhe analizat e tyre mbi fenomenin e dezinformatave, duke theksuar rrezikun që ato paraqesin për demokracinë, proceset zgjedhore dhe besimin e qytetarëve në institucione. Një theks i veçantë iu kushtua edukimit medial, transparencës dhe nevojës për të forcuar kulturën e verifikimit të lajmeve te publiku.

Në fjalën e tij, Ramadan Ilazi, udhëheqës i Qendra Kosovare për Studime të Sigurisë, theksoi rëndësinë e edukimit qytetar për t’u mbrojtur nga lajmet e rrejshme, si dhe domosdoshmërinë e fuqizimit të mediave të pavarura për të garantuar informim profesional, të paanshëm dhe në shërbim të interesit publik.

Pjesë e këtij diskutimi ishte edhe kryetari i Komunës së Vitisë, Sokol Haliti, i cili përshëndeti nismën dhe theksoi rëndësinë e bashkëpunimit mes institucioneve dhe mediave për të promovuar transparencë dhe informim të saktë.

Përveç përfaqësuesve të QKSS-së dhe kryetarit Haliti, në tryezë morën pjesë gazetarë lokalë, përfaqësues të institucioneve komunale dhe shoqërisë civile, të cilët ndanë përvojat e tyre mbi sfidat e dezinformimit dhe rolin që duhet të luajnë mediat profesionale në shërbim të qytetarëve.

Kontrolloni gjithashtu

Kryetari Haliti falënderon nga zemra qytetarët për mbështetjen e jashtëzakonshme në javën e parë të fushatës

Kryetari i komunës së Vitisë, z. Sokol Haliti përmes profilit të tij në facebook ka …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara