Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zv.kryeministrja Belinda Balluku u ka bërë thirrje qytetarëve të bashkohen masivisht në protestën për lirinë dhe drejtësinë e liderëve të Ushtrisë Çlirimtare të Kosovës, që do të zhvillohet më 17 dhe 18 tetor në Rrugën e Kombit. Në një postim në rrjetet sociale, Balluku shpërndau banderolën zyrtare të protestës dhe u shpreh: “Rruga e Kombit pa pagesë në datë 17 Tetor! ‘Liria ka emër – Drejtësi për çlirimtarët’. Bashkohemi në Tiranë për drejtësi, dinjitet dhe të vërtetën e luftës çlirimtare të Kosovës.” Ajo thekson se kjo është një thirrje e bashkuar për lirinë dhe respektin e vlerave të çlirimtarëve, një mundësi për të dëshmuar solidaritetin dhe për të dërguar një mesazh të fuqishëm drejt institucioneve ndërkombëtare: që çlirimtarët e Kosovës meritojnë drejtësi dhe njohje për sakrificat e tyre. Qytetarë nga e gjithë Shqipëria dhe Kosova pritet të marrin pjesë, duke kthyer protestën në një manifestim masiv dhe të fuqishëm të patriotizmit dhe respektit për historinë.
