Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mbrojtjes së Kosovës, Ejup Maqedonci, po qëndron në Sarajevë për të marrë pjesë në punimet e ministerialit të iniciativës SHBA – Karta e Adriatikut (A5), me ftesë të homologut të tij boshnjak, Zukan Helez. Ky forum bashkon ministrat dhe përfaqësuesit e ministrive të mbrojtjes nga vendet anëtare të A5, me qëllim të thellimit të bashkëpunimit në fushën e sigurisë dhe mbrojtjes rajonale. Gjatë vizitës, ministri Maqedonci mori pjesë në ceremoninë e shënimit të 20-vjetorit të formimit të Forcave të Armatosura të Bosnjës dhe Hercegovinës, ku u theksua rëndësia e zhvillimit të kapaciteteve të qëndrueshme ushtarake dhe roli i institucioneve të mbrojtjes në ruajtjen e paqes dhe stabilitetit rajonal. Ministri Maqedonci theksoi se pjesëmarrja e Kosovës në këtë iniciativë forcon dialogun dhe bashkëpunimin mes vendeve të Adriatikut, duke ndihmuar në shkëmbimin e eksperiencave, praktikat më të mira në mbrojtje dhe koordinimin për sfidat e sigurisë. Ky aktivitet vjen në kuadër të angazhimeve të Kosovës për integrim më të thellë rajonal dhe përmirësim të kapaciteteve të Forcës së Sigurisë së Kosovës në përputhje me standardet ndërkombëtare.
