Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Brukseli po rishikon qasjen ndaj masave ndaj Kosovës, duke kaluar nga koncepti i heqjes graduale në një plan që parasheh largimin e gjysmës së masave të mbetura. Edhe pse transferimi i qetë i pushtetit në katër komunat veriore – kusht kyç i Bashkimit Evropian – është realizuar, BE-ja vazhdon të hezitojë të caktojë një afat të qartë për heqjen e plotë të masave. Në draftin më të fundit të konkluzave, Këshilli i BE-së shpreh një gjuhë më pozitive, duke “mirëpritur heqjen e masave të mbetura” dhe duke rikujtuar konkluzat e vitit të kaluar, në dritën e stabilizimit të qeverisjes vendore në veri. Megjithatë, burime diplomatike bëjnë të ditur se ende ekziston hezitim që vendimi të merret para zgjedhjeve të 28 dhjetorit. Sipas informacioneve aktuale, Komisioni Evropian po përgatitet për një hap të ndërmjetëm: heqjen e rreth gjysmës së masave, ndërsa mbetet e paqartë nëse dhe kur do të ndodhë heqja e plotë. Paralelisht, vendet anëtare ende nuk kanë arritur konsensus për tekstin final të konkluzave, pavarësisht disa takimeve intensive gjatë javës së kaluar. Teksti përfundimtar, që përfshin edhe kapitullin për Kosovën, pritet të miratohet në takimin e së martës të ministrave për Çështjet Evropiane, ku do të qartësohet drejtimi i radhës i BE-së ndaj Prishtinës.
