Në Qirez u mbajt takim informues me qytetarë në kuadër të vizitave në terren që po zhvillohen nga Kryetari Sami Lushtaku

22/01/2026 Institucionet

Në Bashkësinë Lokale te Qirezit, u mbajt takimi informues me qytetarë në kuadër të vizitave në terren që po zhvillohen nga Kryetari i Komunës z. Sami Lushtaku.

Takimi kishte për qëllim dëgjimin e drejtpërdrejtë të shqetësimeve, nevojave dhe prioriteteve të banorëve të kësaj zone.

Gjatë diskutimit, qytetarët paraqitën kërkesat dhe problemet e tyre, kryesisht në lidhje me infrastrukturën publike, rrugët lokale, ndriçimin publik, kanalizimin, si dhe çështje të tjera me interes të përbashkët. Ky bashkëbisedim i hapur dhe i drejtpërdrejtë mundëson krijimin e një pasqyre reale të gjendjes në terren dhe ndihmon në orientimin e planifikimit dhe veprimeve konkrete të komunës.

Komuna e Skenderajt falënderon banorët e fshatrave të bashkësisë lokale të Qirezit për pjesëmarrjen aktive, gatishmërinë dhe bashkëpunimin e treguar gjatë këtij takimi.

Takimet informuese me qytetarët do të vazhdojnë edhe në vendbanime të tjera të komunës, me synimin e identifikimit të nevojave reale dhe ndërtimit të zgjidhjeve sa më të mira për çdo lagje dhe fshat.

Kontrolloni gjithashtu

Kryetari Kastrati ngushëllon familjen Mazreku, me rastin e humbjes tragjike të jetës së familjares, si pasojë e zjarrit

Në emër të Komunës së Malishevës dhe në emrin e tij personal, kryetari i komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2026, Të gjitha të drejtat e rezervuara