Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, tashmë po pret vendimin e Gjykatës Kushtetuese të Kosovës për dekretin e presidentes për shpërndarjen e Kuvendit, duke thënë se pa fjalën e kësaj gjykate nuk mund të flitet për zgjedhje të reja. Por ky qëndrim bie në kontrast të fortë me deklaratat e tij të mëhershme, kur ai e kishte akuzuar Kushtetuesen se po funksionon si “hije e opozitës” kundër pushtetit të Lëvizja Vetëvendosje. Vetëm disa muaj më parë, Kurti kishte shprehur mosbesim të hapur ndaj gjyqtarëve kushtetues, duke pretenduar se ata veprojnë sipas direktivave politike dhe se disa vendime të tyre janë të paarsyeshme. Tani, kur dy çështje të rëndësishme janë në shqyrtim, përfshirë edhe kundërshtimin e dekretit të presidentes Vjosa Osmani, kryeministri kërkon që pikërisht kjo gjykatë të japë fjalën përfundimtare. Kjo kthesë ka ngritur kritika se pushteti e trajton Gjykatën Kushtetuese sipas interesit politik: e sulmon kur vendimet nuk i shkojnë për shtati, ndërsa e thërret në ndihmë kur ka nevojë për legjitimitet institucional.
