Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ekspozita në mes të kryeqytetit të Kosovës, në Prishtina!
Si ka mundësi, ditën për diell, në mes të Prishtinës, të kryhet argati i Serbisë?
Në ekspozitë, civilët e masakruar paraqiten gjysma të armatosur, si dhe minimizohen shifrat!
Kjo bëhet për ta shfajësuar gjenocidin e Serbisë mbi shqiptarët, duke ua arsyetuar vrasjen, me pretendimin se gjysma paskan qenë të armatosur. Kështu del që Serbia, duke i vrarë të armatosurit, ndërsa civilët janë dëmtuar si “dëm kolateral lufte”!
S’ka mundësi të kenë qenë të pa informuar dhe të mos i kenë ditur shifrat e sakta ekspozuesit, por qëllimi ka qenë t’i paraqesin të pasakta, që të mos jenë argument para botës, por të deformohen provat kundër Serbisë!
Këtu duhet ndërhyrje e shpejtë e Prokurorisë dhe gjetja e burimeve financiare nga Serbia për tjetërsimin e fakteve, që të mos mund të akuzohet Serbia me fakte e prova që e dëmtojnë. Këtë e bëjnë me qëllim ekspozuesit e kësaj ekspozite!
Duhet që dora e shtetit të funksionojë dhe ta konsiderojë këtë si krim të përsëritur mbi viktimat, si dhe mbi faktografinë e historisë sonë nga ky ekspozues, kushdo qoftë ai dhe ata mbrapa tij!
Qoftë edhe kur dikush, në emër të zbardhjes dhe me qëllim akuze, bazohet apo krijon fakte të rreme – qoftë duke i shtuar apo minimizuar ato – ato nuk mund të jenë më prova, as për akuzë, as për historinë dhe të ardhmen!
Kam dëgjuar se Prokuroria e Kosovës do të fillojë të ngrejë aktakuzë kundër disa kriminelëve mbi Jasharajt. Kjo është thikë me dy tehe: duke i akuzuar se Serbia bëri masakër mbi civilët Jasharaj, kështu mund të mohohet rezistenca dhe heroizmi! Nëse paraqitet rezistenca e armatosur dhe heroizmi, atëherë i arsyetohet dëmi kolateral i luftimeve Serbisë!
Prandaj, kujdes duhet të ketë Prokuroria e Kosovës në emërtimin e aktakuzës!
Unë mendoj që shteti serb ka bërë krim kundër njerëzimit dhe gjenocid në çdo masakër, përdhunim e dëbim!
Thirrje të funksionojë shteti dhe dikasteret shtetërore, sidomos Policia, Prokuroria dhe Gjykatësia, të zbatojnë ligjet, ta mbrojmë Kosovën dhe të vërtetën me dinjitet!
Ekspozita përgjysmon vrasjen e Jasharajve!
Nuk duhet të guxojë askush, i brendshëm apo i jashtëm, të shkelë mbi të vërtetën dhe dinjitetin e Jasharajve – vlerë e jonë kombëtare!
27 mars 2026
Sadik Halitjaha
