Vazhdon aksioni i pastrimit në katër fshatra të Malishevës

10/04/2026 Institucionet

Në kuadër të aksionit njëmujor për pastrimin e ambientit “Për Malishevën e pastër”, sot ka vazhduar pastrimi në fshatrat Llazicë, Balincë, Lubizhdë dhe Turjakë. Në këtë aksion, krahas qytetarëve, morën pjesë edhe kryetari i Komunës së Malishevës, Ekrem Kastrati, nënkryetari dhe udhëheqësi i Task Forcës, Vesel Krasniqi, si dhe drejtorë të drejtorive komunale e zyrtarë të tjerë.

“Pastrimi i ambientit që po bëjmë sot nuk përfundon me këtë aksion, por do të vazhdojë edhe më tej. Ne jemi të përkushtuar për mirëmbajtjen e ambientit nga mbeturinat, përfshirë edhe ato inerte. Mbi të gjitha, qëllimi ynë kryesor është vetëdijesimi i qytetarëve për rëndësinë e ruajtjes së ambientit të pastër”, tha kryetari Kastrati gjatë aksionit.

Ndërkaq, muaji prill është shpallur “Muaji i Ambientit”, dhe sipas kryetarit Kastrati, synimi është që Malisheva të bëhet një ndër komunat me ambientin më të pastër në vend.

Kontrolloni gjithashtu

Kryetari Latifi mbajti takimin e Dytë periodik me punonjësit e Administratës komunale

Kryetari i Komunës së Rahovecit, z. Smajl Latifi mbajti takimin e dytë periodik për vitin …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara