Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca e Sigurisë së Kosovës ka përfunduar me sukses “Kursin Bazë për Snajper” dhe “Kursin e Liderit Luftarak”, në kuadër të avancimit të kapaciteteve profesionale dhe operacionale të pjesëtarëve të saj. Trajnimi për snajperë, i organizuar nga Komanda e Doktrinës dhe Stërvitjes përmes Qendrës së Stërvitjes Profesionale, kishte për qëllim zhvillimin e aftësive taktike për qitje precize nga distanca të largëta dhe përdorimin e kalibrave të ndryshëm në operacione ushtarake.
Ndërkohë, Kursi i Liderit Luftarak, i realizuar nga Shkolla e Nënoficerëve, u fokusua në ngritjen e kapaciteteve të udhëheqjes ushtarake, planifikimit operacional, komunikimit dhe vendimmarrjes në situata taktike në terren. Gjatë trajnimeve intensive, pjesëmarrësit zhvilluan ushtrime praktike dhe ligjërata profesionale, ku demonstrua nivel i lartë disipline, profesionalizmi dhe gatishmërie operative. Përfundimi i këtyre kurseve konsiderohet një hap tjetër në forcimin e kapaciteteve të FSK-së dhe në përgatitjen e personelit për sfidat moderne të sigurisë dhe mbrojtjes.
