Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Jonathan Hargreaves ka zhvilluar një takim me kreun e Aleanca për Ardhmërinë e Kosovës, Ramush Haradinaj, ku ka diskutuar për zhvillimet politike në prag të zgjedhjeve të 7 qershorit. Pas takimit, ambasadori britanik theksoi rëndësinë që partitë politike të angazhohen në mënyrë konstruktive pas zgjedhjeve, duke synuar formimin e shpejtë të qeverisë dhe zgjedhjen me kohë të presidentit. Hargreaves vlerësoi rolin e Haradinajt në politikën kosovare ndër vite, duke e cilësuar si një figurë me kontribut të rëndësishëm në zhvillimin demokratik dhe forcimin e institucioneve të Kosovës. “Diskutim i mirë dje me liderin e AAK-së, Ramush Haradinaj… është e rëndësishme që partitë të bashkëpunojnë për një qeveri stabile dhe për zgjedhjen me kohë të Presidentit”, u shpreh ambasadori britanik. Ai shtoi se përparimi demokratik i Kosovës varet nga bashkëpunimi, dialogu dhe përkushtimi i përbashkët i subjekteve politike për të ardhmen e vendit.
