Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryesuesi i Këshillit Gjyqësor të Kosovës, Rrustem Thaqi, ka pritur në takim ushtruesen e detyrës së shefit të EULEX-it, Emily Rakhorst, me të cilën ka diskutuar për zhvillimet në sistemin gjyqësor dhe thellimin e bashkëpunimit institucional. Rakhorst e uroi Thaqin për marrjen e detyrës dhe ritheksoi përkushtimin e EULEX-it për të vazhduar mbështetjen ndaj sistemit gjyqësor të Kosovës, në përputhje me mandatin e misionit. Nga ana e tij, Thaqi vlerësoi bashkëpunimin e deritanishëm ndërmjet Këshillit Gjyqësor të Kosovës dhe EULEX-it, duke theksuar rëndësinë e vazhdimit të tij për forcimin e sundimit të ligjit, pavarësisë së gjyqësorit, si dhe avancimin e efikasitetit, transparencës dhe llogaridhënies në sistemin e drejtësisë. Gjatë takimit u diskutua edhe për sfidat aktuale me të cilat përballet sistemi gjyqësor dhe mundësitë për zgjerimin e bashkëpunimit në fusha me interes të përbashkët.
