Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mungesa e integritetit politik po ndikon drejtpërdrejt në funksionimin e institucioneve shtetërore në Kosovë. Kështu ka deklaruar anëtari i Kryesisë së Aleancës për Ardhmërinë e Kosovës, Dardan Krasniqi. Ai vuri theksin te nevoja për më shumë transparencë nga subjektet politike, duke kritikuar praktikat e bisedimeve jotransparente. “Pa integritet politik nuk ka as integritet institucional. Kjo dëshmon se partitë politike në Kosovë vuajnë nga mungesa e integritetit dhe dinjitetit të atyre që i përfaqësojnë,” u shpreh ai. Sa i përket menaxhimit të pushtetit nga Lëvizja Vetëvendosje, Krasniqi shprehu kritika të ashpra ndaj kryeministrit Albin Kurti, duke e akuzuar atë për thellim të polarizimit politik në vend. ndër të tjera, ai përmendi mospërfshirjen e veteranëve të UÇK-së në ligjin për pagën minimale si një nga vendimet më negative të kësaj qeverisjeje, duke e cilësuar bilancin e kryeministrit si të papranueshëm në rrafshin kombëtar.
