Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Kosovës do të mblidhet sot në një seancë të jashtëzakonshme me 22 pika të rendit të ditës. Në krye të agjendës është shqyrtimi i parë i Projektligjit për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar. Seanca është kërkuar nga të paktën një e treta e deputetëve, ndërsa kërkesa është dorëzuar në emër të tyre nga deputetja Arbërie Nagavci. Para se të shqyrtohet në seancë plenare, projektligji pritet të trajtohet nga Komisioni për Legjislacion. Në rendin e ditës së Komisionit është përfshirë pikërisht shqyrtimi i këtij projektligji. Nisma për ndryshimin e ligjit është ndërmarrë nga PDK-ja dhe përfshin 27 ndryshime në ligjin që rregullon funksionimin e Dhomave të Specializuara dhe Zyrës së Prokurorit të Specializuar. Çështja tashmë është lidhur edhe me procesin për zgjedhjen e presidentit të Kosovës. PDK-ja ka bërë të ditur se kërkon që projektligji të miratohet përfundimisht në dy lexime, para se të japë votat e saj për kandidatin presidencial të propozuar nga Lëvizja Vetëvendosje.
