U promovua libri „Rruga që më krijoi” të autorit Musah Selmani

16/10/2026 Institucionet

Në Viti u promovua libri „Rruga që më krijoi” të autorit Musah Selmani, në një aktivitet të organizuar nga Shoqata e Shkrimtarëve dhe Krijuesve „Ramadan Musliu” – Viti.

Me këtë rasti i pranishëm ishte edhe kryetari i komunës së Vitisë, Sokol Haliti i cili e përgëzoi autorin për veprën, e cila sipas tij pasqyron jetën, sakrificat në mërgim dhe rrugëtimin drejt suksesit, duke vlerësuar rëndësinë e ruajtjes së lidhjeve me atdheun.

“Kjo vepër nuk është vetëm një përmbledhje kujtimesh, por një rrëfim i sinqertë për jetën, sakrificat në mërgim dhe rrugëtimin e një bashkëqytetari tonë drejt suksesit në Evropë.

Përmes faqeve të këtij libri, Musahu na tregon me mjaft vërtetësi se si me punë të palodhur, guxim dhe me ruajtjen e vlerave të forta familjare, mund të përballohet çdo sfidë e jetës”, u shpreh kryetari Haliti.

Në emër të shoqatës, fjalë rasti mbajti Prof. Dr. Nexhmedin Bardhi, i cili theksoi se promovimi i librave ka për qëllim afrimin e autorit me lexuesin dhe librin, duke folur edhe për rëndësinë e kësaj vepre.

Të pranishmit i përshëndeti edhe drejtori për Kulturë, Rini dhe Sport, Valmir Sahiti i cili po ashtu foli për rëndësinë e fjalës së shkruar.

Poashtu kryetari Haliti i ndau autorit Musah Selmani një mirënjohje për kontributin e tij në krijimtarinë letrare.

Përndryshe në këtë promovim e këtij libri ishin edhe redaktori i saj, Sarë Gjergji dhe recensenti Hasan Rashiti të cilët e vlerësuan lartë krijimtarinë letrare të autorit në fjalë.

Kontrolloni gjithashtu

NJOFTIM PËR PROMOVIMIN E LIBRIT

Të shtunën, më 17 tetor 2026, duke filluar nga ora 11:00, në Qendrën Rinore “Fetnete …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara