Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Halil Kastrati dhe Bekim Jashari kanë përcjellë një mesazh të përbashkët për shqiptarët e Preshevës, Bujanocit dhe Medvegjës, duke vënë në pah rëndësinë e bashkimit dhe të përfaqësimit dinjitoz të shqiptarëve në këto treva. Kastrati, përmes një postimi në rrjetet sociale, ka bërë të ditur se së bashku me Bekim Jasharin u janë drejtuar vëllezërve dhe motrave shqiptare në Kosovën Lindore me një mesazh që thekson vlerat e unitetit dhe solidaritetit kombëtar. “Së bashku me vëlla Bekim Jasharin, me një mesazh të përbashkët për vëllezërit dhe motrat tona në Preshevë, Bujanoc e Medvegjë”, ka shkruar Kastrati. Ai ka theksuar se bashkimi, dinjiteti dhe përfaqësimi i shqiptarëve mbeten çështje me rëndësi të veçantë. “Bashkimi, dinjiteti dhe përfaqësimi i shqiptarëve kanë rëndësi!”, thuhet në mesazhin e tij. Mesazhi i përbashkët i dy figurave përcjell thirrjen për solidaritet me shqiptarët e Preshevës, Bujanocit dhe Medvegjës, duke vënë në pah rëndësinë e unitetit dhe të një zëri të përbashkët për çështjet që prekin këto treva.
