Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidentja e Kosovës, Justina Shiroka-Pula, u ka bërë thirrje shqiptarëve nga Presheva, Medvegja dhe Bujanoci që jetojnë në Kosovë, të marrin pjesë masivisht në zgjedhjet parlamentare të parakohshme në Serbi, të cilat mbahen të dielën, më 25 tetor. Përmes një mesazhi publik, ajo ka theksuar rëndësinë e pjesëmarrjes në votime dhe të bashkimit politik, duke vlerësuar se përfaqësimi më i madh i shqiptarëve në Parlamentin e Serbisë mund të fuqizojë zërin e tyre në mbrojtjen e të drejtave dhe interesave kombëtare. Shiroka-Pula ka kërkuar që votuesit të mbështesin përfaqësimin e përbashkët, me synimin për të siguruar më shumë deputetë shqiptarë në institucionet serbe. Ajo ka nënvizuar se çdo votë është e rëndësishme për përfaqësimin politik të shqiptarëve të Luginës së Preshevës dhe për avancimin e pozitës së tyre në Preshevë, Medvegjë dhe Bujanoc. “Të bashkuar në përfaqësim, më të fuqishëm në mbrojtjen e të drejtave tuaja!”, ka përfunduar mesazhin presidentja e Kosovës.
