Brickos

Delegacioni nga Bashkia e Sarandës, takoi kryetarin Asllanaj

29/09/2016 Institucionet

Një delegacion nga Bashkia e Sarandës të cilit po i prin kryetarja e Bashkisë Florijana Koka ka ardhur mbrëmë në Suharekë, për të marrë pjesë në Festën tashmë tradicionale “Festari 2016”. Ky delegacion i lartë i Sarandës të enjten ka vizituar Komunën e Suharekës dhe kanë takuar kryetarin Sali Asllanaj. Në takimin miqësor që u organizua me këtë rast të dy kryetarët kanë biseduar rreth aktiviteteve dhe angazhimeve që po bëjnë nëpër qendrat e tyre. Si shenjë mirënjohje për këtë vizitë ata kanë shkëmbyer edhe dhurata modeste mes vete. Komuna e Suharekës dhe Bashkia e Sarandës janë të binjakëzuara tash e disa vite dhe po bashkëpunojnë në fusha të ndryshme si në biznes kulturë, sport etj. Delegacioni nga Bashkia e Sarandës, fillimisht ka vendosur lule tek shtatorja e ish kryetarit të Komunës Ukë Bytyçi, kurse më pastaj ka vizituar edhe qendrat dhe monumentet tjera kulturo-historike dhe arsimore të komunës së Suharekës. Ata do të qëndrojnë disa ditë dhe do të jenë pjesë e aktiviteteve që po organizohen për Festarin 2016.

Kontrolloni gjithashtu

Në QKMF-në në Ferizaj ishin për vizitë Dr. Edita Haxhiu – përfaqësuese nga OBSh, Dr. Fetije Fetaj nga IKShPK dhe një përfaqësuese nga UNICEF-i

Në shërbimin e vaksinimit në Ferizaj ishin për vizitë Dr. Edita Haxhiu – përfaqësuese nga …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara