Investimet e shumanshme po përmirësojnë jetën e qytetarëve të Skenderajt

31/10/2016 Institucionet

Investime të shumta janë bërë viteve të fundit në Komunën e Skenderajt në shërbim të qytetarëve të kësaj komune.

Përveç investimeve në infrastrukturën rrugore në fshatra e qytet dhe investimeve në kanalizime e ujësjellës, qeveria lokale e Skenderajt po investon fuqishëm edhe në përmirësimin e drejtpërdrejtë të shëndetit të qytetarëve.

Në këtë kuadër Komuna e Skenderajt bashkë me Ministrinë e Shëndetësisë kanë financuar në ndërtimin e objektit të ri të QKMF-së, projekt ky që do të përmirësoj shumë shërbimet shëndetësore.

Tashmë punimet në këtë objekt kapital dhe shumë vital për qytetarët janë në përfundim e sipër. Për momentin punimet po vazhdojnë në ambientet e jashtme të këtij objekti, konkretisht në rrethojën e re, në hapësirat gjelbëruese dhe parkingje.

Për të parë nga afër punimet, hapësirën e QKMF-së e ka vizituar nënkryetari Fadil Nura. Përveç inspektimit të punimeve z. Nura ka vizituar edhe ambientet e brendshme më qëllim të monitorimit të shërbimeve shëndetësore.

Nënkryetari Nura ka premtuar përfundim të shpejtë të punimeve në objektin e ri të QKMF-së dhe në hapësirën e jashtme, duke siguruar rritje të efikasitetit të shërbimeve shëndetësore meritore për qytetarët.

Ndër problemet që kanë qenë evidente në të kaluarën në QKMF në Skenderaj përveç objektit të stërvjetruara ishte mungesa e parkingjeve, problem ky që do të zgjidhet me krijimin e hapësirës shtesë dhe të përshtatshme për këtë qëllim.

Kontrolloni gjithashtu

Kryetari Haliti me nderim të thellë dhe përgjegjësi institucionale, kujton 24 marsin, një nga datat më të rëndësishme në historinë moderne të Kosovës

Kryetari i komunës së Vitisë. z. Sokol Haliti  me anë të një postimi në Facebook, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara