Eurodeputeti Alessandro Battilocchio qëndroi në Malishevë

09/01/2017 Institucionet

Në pasditen e vonshme të së dielës, në Komunën e Malishevës, ka qëndruar deputeti i Parlamentit Evropian, Alessandro Battilocchio, i shoqëruar nga kryetari i Komunës Tolfa (komunë e Romës), Luigi Landi dhe Salvadore Orsomando, kryetar i Këshillit të Cerveterit, bashkë më zyrtar të katër komunave. Ky delegacion është pritur nga kryetari i Komunës së Malishevës, Ragip Begaj.

Qëllimi i kësaj vizite, ishte njohja mes komunave të Italisë dhe Komunës së Malishevës, shkëmbimi i përvojave, organizimi i komunave dhe mundësia e realizimit të projekteve të përbashkëta.

Pasi i ka falënderuar për vizitën, kryetari Begaj, e ka njoftuar delegacionin nga Italia, me organizimin e Komunës së Malishevës, rrjedhat e përgjithshme, popullsinë, dhe shtrirjen e Komunës së Malishevës.

Ndërsa eurodeputeti Battilocchio, pasi shprehi kënaqësinë e tij për këtë vizitë, tha se “këtu është së bashku më përfaqësues të katër komunave të Italisë dhe se janë të interesuar të njihen me organizimin e komunave, si dhe për të parë mundësitë e bashkëpunimit”.

Edhe kryetari i Komunës së Tofla, Luigi Landi, shprehi gatishmërinë për bashkëpunim të ndërsjellë dhe për realizimin e ndonjë projekti të përbashkët, përderisa e falënderoi kryetarin Begaj, për pritjen, dhe siç tha ai, “sot është e diele dhe ju jeni në punë, duke pritur një delegacion”.

Në fund të kësaj vizite, u paralajmërua realizimi edhe i një vizite tjetër, më të gjerë dhe më të gjatë në Malishevë, me qëllim të rritjes së bashkëpunimit të ndërsjellë.

Kontrolloni gjithashtu

Fillojnë vizitat sistematike të nxënësve të klasave të para dhe pesta të shkollave të komunës së Rahovecit 

Fillojnë vizitat sistematike të nxënësve të klasave të para dhe pesta të shkollave të komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara