Ministri Stavileci takoi studentë të Universitetit të Pejës “Haxhi Zeka”

21/02/2017 Institucionet

Ministri i Zhvillimit Ekonomik, Blerand Stavileci ka takuar një grup të studentëve të Universitetit ‘Haxhi Zeka” në Pejë, dega Menaxhim Biznesi me të cilët ka bashkëbiseduar për zhvillimet ekonomike në vend, me theks, fushat që mbulon MZHE.

Ministri Stavileci ka njoftuar studentët nga Peja për projektet që janë në zhvillim e sipër në fushën e energjisë, minierave dhe teknologjisë së informimit, që vlerësohen si sektorë kyç për zhvillimin ekonomik, respektivisht krijimin e vendeve të punës.

Gjithashtu, Ministri Stavileci vuri në dukje orientimin e MZHE-së që t’i japë prioritet fushës së TIK-ut, si parakusht për transformimin e ekonomisë, njëherit një sektor me perspektivë për të rinjtë, që përbëjnë një masë të konsiderueshme të popullsisë së Kosovës. Më pas Stavileci dhe studentët kanë zhvilluar një bashkëbisedim të hapur për çështjet ekonomike në vend. Ndryshe, në kuadër të kësaj vizite Unioni i Studentëve të Universitetit ‘Haxhi Zeka” i ka ndarë ‘Mirënjohje’ Ministrit Blerand Stavileci.

Kontrolloni gjithashtu

Në Mirash po vazhdojnë me intensitet të shtuar punimet për ndërtimin e rrugës kryesore  

Punimet për ndërtimin e rrugës kryesore në fshatin Mirash të komunës së Ferizajt po vazhdojnë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara