Së shpejti pritet hartimi i planit të integritetit në komunën e Malishevës

09/03/2017 Institucionet

Kryetari i Komunës së Malishevës, Ragip Begaj, ka pritur zyrtarin e “Uboconsulting”, Valon Feka, me të cilin janë dakorduar për fillimin e hartimit të planit të integritetit për Komunën e Malishevës. Përmes këtij plani, synohet ofrimi i shërbimeve më transparente dhe më efikase, ndërsa ky është një projekt i UNDP-së, që implementohet nga “Uboconsulting”.

Për këtë qëllim, kryetari i Komunës së Malishevës, Ragip Begaj, ka formuar edhe një ekip që do të trajnohet dhe më pas të merret me hartimin e planit të integritetit. Ky plan është një dokument strategjik dhe operativ, që del nga procesi i vlerësimit të rreziqeve të mundshme.

Plani rithekson përkushtimin e komunës për të shtuar më tej kontrollet ekzistuese operative në të gjithë gamën e aktiviteteve të kryera, me fokus në ofrimin e shërbimeve transparente dhe efikase. Përshkruan masat e bazuara në rrezik për arritjen e objektivave të saja të integritetit dhe forcimin e sundimit të ligjit, si dhe vlerat dhe standardet profesionale.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara