Kryetari Bahtiri priti në takim Përfaqësuesin Special të Sekretarit të Përgjithshëm të

11/04/2017 Institucionet

Kryetari i komunës së Mitrovicës Agim Bahtiri dhe nënkryetari Faruk Mujka, kanë pritur në një takim në ndërtesën e Komunës, Përfaqësuesin Special të Sekretarit të Përgjithshëm të OKB-së, Zahir Tanin, Zëvendës Përfaqësuesin Special të Sekretarit të Përgjithshëm, Christopher Coleman dhe Shefin e Zyrës Rajonale të UNMIK-ut në Mitrovicë, Danilo Rosales Diaz me bashkëpunëtorë. Kryetari Bahtiri dhe Shefi i UNMIK-ut Tanin, kanë biseduar për gjendjen aktuale në Mitrovicë dhe bashkëpunimin e mëtutjeshëm midis komunës së Mitrovicës dhe UNMIK-ut. Përfaqësuesi i Misionit të Kombeve të Bashkuara në Kosovë, Tanin vlerësoi pozitivisht angazhimin e të gjithë faktorëve për tejkalimin pa probleme të situatave të krijuara muaj më parë, siç ishin problemi i trenit dhe ai i murit, gjë e cila është bërë falë njerëzve të përgjegjshëm. Kryetari Bahtiri, pasi falënderoi shefin e UNMIK-ut, për vizitën, tha se bashkëpunimi korrekt dhe mbështetja që misioni i tij po i jep komunës së Mitrovicës në zhvillimin e proceseve demokratike, në përmirësimin e raporteve ndëretnike dhe intensifikimin e bashkëpunimit ndërmjet dy komunave të Mitrovicës me qëllim të ruajtjes së paqes dhe stabilitetit, ka bërë që sot këtu të kemi një situatë të konsoliduar politike e të sigurisë. Kryetari Bahtiri tha në vazhdim se Mitrovica tanimë i ka tejkaluar sfidat më të mëdha të paqes, stabilitetit dhe sigurisë, prandaj i tërë fokusi i institucioneve lokale është drejtuar në zhvillimin ekonomik, ku edhe janë shënuar rezultate të kënaqshme.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara