Vihet gurthemeli i shtëpisë së re të familjes Asllani nga Abria e Skenderajt

27/04/2017 Institucionet

Familja 7 anëtarëshe e Skender Asllanit nga Abria e Skenderajt shumë shpejt do të bëhet me shtëpi të re falë ndihmës së bashkatdhetarëve vëllezërve Gashi nga Tërnaci i Skenderajt që punojnë në Gjermani. Në vënien e gurthemelit kanë marrë pjesë donatorët humanitarë, deputeti i Parlamentit të Kosovë Bekim Haxhiu drejtori i Shëndetësisë në Komunën e Skenderajt Enver Gashi, këshilltari komunal Latif Smakiqi, si dhe anëtarë të familjes përfituese. Drejtori Enver Gashi në emër të Komunës së Skenderajt i ka falënderuar bashkatdhetarët vëllezërit Gashi që po nisin shtëpinë për familjen nevojtare Asllani. Falënderime për bashkatdhetarët ka shprehur edhe deputeti Bekim Haxhiu, ndërsa donatorët kanë premtuar se shtëpia e nisur do të përfundojë më 1 qershor pikërisht në Ditën e Fëmijëve. Familja Asllani për shkak të pamundësisë ekonomike deri më tani ka jetuar në një hapësirë të papërshtatshme dhe pa kushte minimale për jetë normale. Me ndërtimin e shtëpisë se re familja Asllani nga Abria do të jetojë në kushte normale për jetë.

Kontrolloni gjithashtu

Kanë filluar konsultimet publike për Planin Zhvillimor Komunal të Ferizajt

Në kuadër të hartimit të Planit Zhvillimor të Komunës (PZHK), Komuna e Ferizajt ka filluar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara