Shkolla e fshatit Vajnikë të Skenderajt kremtoi ditën e saj

16/05/2017 Institucionet

Shkolla “Skënder Skënderi” e fshatit Vajnikë të komunës së Skenderajt ka kremtuar ditën e shkollës me aktivitete përkujtimore, kulturore dhe artistike. Në këtë kremte përveç nxënësve, prindërve dhe mësimdhënësve morën pjesë edhe përfaqësues të institucioneve lokale dhe qendrore. Në fjalën e tij para të pranishmëve nënkryetari i Komunës së Skenderajt Fadil Nura tha se Komuna e Skenderaj shprehë respektin për kontributin e dëshmorit Skënder Skënderi emrin e të cilit e mbanë shkolla e Vajnikut dhe për gjithë dëshmorët e tjerë të këtij fshati. Ndërsa Halil Thaçi drejtori i shkollës “Skënder Skënderi” foli për jetën e dëshmorit dhe për sukseset dhe të arriturat e shkollës ndër dekada.

Nxënësit e shkollës para të pranishmëve shfaqën edhe një program të pasur artistik. Në emër të OVL të UÇK-së, dekoratë për dëshmorin Skënder Skënderi ka ndarë kryetari i kësaj organizate Hysni Gucati.

Nënkryetari Nura me bashkëpunëtorë ka bërë homazhe dhe ka vendosur lule pranë lapidarit të Skënder Skënderi dhe dëshmorëve tjerë të Vajnikut.

Kontrolloni gjithashtu

Kosova nuk mund të ecë drejt Evropës duke ua marrë kompetencat komunave!

Sot, në Mitrovicë u mbajt takimi i katërt i Grupit Punues për Kosovën të Komitetit …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara