Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Misionin Europian për Sundimin e Ligjit në Kosovë, më në fund është zbuluar vetëm njëri nga shumë skandalet që janë fshehur vazhdimisht për opinion. Malcolm Simmons, gjyqtari që ka dhënë dorëheqje nga misioni i instaluar dhunshëm në Kosovë ka hedhur akuza të rënda për korrupsion brenda EULEX-it, duke dëshmuar me fakte se mision ka pasur për qëllim të rrëzojë një pjesë të skenës politike në Kosovë, duke përfshirë Fatmir Limajn tani Zëvendës-kryeministër në Qeverinë Haradinaj. Në intervistën e publikuar në Le Monde, ai thotë se “EULEX-i nuk është misioni i promovimit të sundimit dhe ligjit. Është një mision politik. Kushdo që mendon ndryshe, është naiv ose i marrë, ka thënë Simmons, i cili ka qenë gjyqtar i këtij misioni, që nga fillimi kur është instaluar në vitin 2008 pas shpalljes së Pavarësisë së Kosovës. Simmons deri në vitin 2014 dhe ka kryesuar asamblenë e Gjykatësve të EULEX-it, në vendin tonë
Maja Kocijançiç, zëdhënëse e përfaqësuese së lartë të BE-së për Politikë të Jashtme dhe Siguri, Federica Mogherini, është prononcuar rreth akuzave të gjyqtarit të EULEX që është larguar nga ky mision duke bërë akuza për korrupsion. Kocijancic u ka thënë mediave në Bruksel Bashimi Europian e edhe EULEX kanë zero tolerancë për akuzat dhe për sjellje të pahijshme të të gjithë anëtarëve të misionit. Akuzat janë hetuar nga një gjyqtar i pavarur dhe disa nga të gjeturat janë pranuar në bordin disiplinues dhe dua të theksoj se të gjitha procedurat e parapara në kod janë ndjekur me përpikëri. Nuk mund të flas enkas për ndonjë akuzë dhe për hetimet që po vazhdojnë”, ka thënë Kocijançiç.
