Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Visar Ymeri nga Lëvizje Vetëvendosje ka reaguar ndaj vazhdimit edhe për tridhjetë të paraburgimit të deputetëve të kësaj partie Albin Kurti dhe Donika Kadaj-Bujupi, duke thënë se gjyqtari Beqir Kalludra është shndërruar në argatin kryesor të pushtetit për të përndjekur aktivistët dhe deputetët e Lëvizjes Vetëvendosje.
“Gjyqësori i kapur nga klani “Pronto” vazhdoi padrejtësinë ndaj Albinit dhe Donikës. Vegla e Kadri Veselit, Beqir Kalludra, vazhdoi edhe 30 ditë paraburgimin për deputetët tanë. Ky gjyqtar i kapur e pa kredibilitet është shndërruar në argatin kryesor të pushtetit për të përndjekur aktivistët dhe deputetët e Lëvizjes VETËVENDOSJE!. Kurse, përndjekja e persekutimi ndaj Albinit e Donikës, ndaj Albulenës e Fatonit, duhet të marrë fund. Sikurse Adea, Atdheu, Egzoni e Frashëri duhet të lirohen. Liri për deputetët, për Albinin, Donikën, Albulenën e Fatonin. Liri për aktivistët, për Frashërin, Atdheun, Egzonin e Adean. Drejtësi për Astritin”, ka shkruar Ymeri në një postim të tij.
