Ministri Gashi: Sportistët, shenja më dalluese e sukseseve të Republikës së Kosovës

15/03/2018 Institucionet

Ministri i Kulturës, Rinisë dhe Sportit, Kujtim Gashi, ka marrë pjesë në ceremoninë “Laureatët e vitit 2017” e organizuar nga Komiteti Olimpik i Kosovës, ku janë shpallur sportistët më të mirë për vitin e kaluar. Ministri Gashi, i përuroi organizatorët për ceremoninë, që sipas tij, është një vlerësim i angazhimit dhe sukseseve të sportistëve në disiplina të ndryshme. “MKRS dhe unë si ministër jam i përkushtuar me tërë qenien në mbështetje të Sportit dhe sportistëve të cilët janë shenja më dalluese e sukseseve në Republikën e Kosovës, andaj më lejoni që ta shfrytëzoj këtë ngjarje për ta rikonfirmuar përkrahjen time në mbështetjen e Sportit dhe sportistëve në Republikën tonë të cilët ditë e më shumë po sjellin rezultate me sukseset që po i arrijnë”, tha ministri Gashi, duke nënvizuar edhe veprimet konkrete që ka ndërmarrë MKRS-ja. “Ligji për Sponzorizime, Rregullorja për Vërtetimin e Sponsorizimeve, Rregulloret për Kategorizimin e Sporteve, Sportistëve dhe Trajnerëve, Vendimet për Vlerën e Poentimit të Pikëve, Themelimi i Këshillit Kombëtar për Luftimin dhe Parandalimin e Dukurive Negative në Ngjarjet Sportive, të gjitha këto akte do të ndihmojnë në zhvillimin e Sportit të në Republikën e Kosovës”, u shpreh ministri, që në bashkëpunim edhe me institucionet tjera, do të stimulojnë zhvillimin dhe avancimin e sportit në vendin tonë, ka qenë vlerësimin i tij. Ministri po ashtu ka përmendur edhe fokusin e MKRS-së në përmirësimin e infrastrukturës, ku ka veçuar ndërtimin e stadiumit kombëtar dhe të 12 stadiumeve ndihmës si një realitet që po ndodhin.

Kontrolloni gjithashtu

Kryetari Haliti me nderim të thellë dhe përgjegjësi institucionale, kujton 24 marsin, një nga datat më të rëndësishme në historinë moderne të Kosovës

Kryetari i komunës së Vitisë. z. Sokol Haliti  me anë të një postimi në Facebook, …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara