Kryetari Jashari gjatë vizitës në Zvicër pranoi një donacion për qytetarët e Skenderajt

10/05/2018 Institucionet

Gjatë vizitës në Zvicër, Kryetari i Skenderajt, Bekim Jashari, pranoi një donacion nga zonja Silvia Bäder, për Komunën e Skenderajt. Bëhet fjalë për një kontingjent ndihmash me pajisje mjekësore, si shtretër spitalesh, karroca invalidësh, uniforma zjarrfikësish dhe pajisje të tjera. Në takimin me bashkatdhetarët në Zvicër, Kryetari Jashari, i ftoi që të investojnë në Skenderaj duke i njoftuar me lehtësirat e të bërit biznes që ofron Komuna e Skenderajt si dhe sigurinë që do ta kenë investitorët e mundshëm. Po ashtu i njoftoi që së shpejti pritet edhe hapja e Parkut industrial me infrastrukturë përcjellëse e cila ka rol të madh në kushtet e të bërit biznes. Në fund, Kryetari Jashari, i falënderoi bashkatdhetarët për kontributin që i dhanë Kosovës edhe në periudhat më të vështira si dhe kontributin që vazhdojnë edhe këtyre ditëve t’i japin Kosovës. Kryetari Jashari, i shoqëruar nga konsullët, Visar Rrecaj dhe Islam Spahiu, Tahir Çitaku si dhe Drejtori i Arsimit, Bekim Latifi, ka takuar edhe përfaqësues të lartë shtetëror si takimi me Ministrin e Qeverisë së Baselit, Baschi Dürr dhe takimi me sekretarin permanent të ministrisë së arsimit, Hugenschmidt, me të cilët ka biseduar për mundësitë e bashkëpunimit.

Kontrolloni gjithashtu

Kryetari Latifi në 25-vjetorin e rënies, ka nderuar kujtimin për luftëtarin e UÇK- së dhe dëshmorin e kombit, Sadri Fazli Krasniqi

Kryetari i komunës së Rahovecit Smajl Latifi, bashku me familjarë, bashkëpunëtorë e miq, në 25-vjetorin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara