Kreu i Qeverisë, Haradinaj thotë se Trepça do të kthehet në binarë atëherë kur Kuvendi ratifikon statutin

Gjatë mbledhjes së sotme Qeveria ka miratuar statutin për Trepçën të propozuar nga Bordi Mbikëqyrës. Ministri i Zhvillimit Ekonomik, Valdrin Lluka duke folur për këtë statut ka thënë se sindikata e punëtorëve nuk është e kënaqur me hartimin e këtij statuti. Ai ka propozuar që  edhe shqetësimet e sindikatave t’i përcjellën Kuvendit e më pastaj ai vendos nëse duhet ndryshuar. “Me këtë Trepçën po e kthejmë në binar. Dita kur Kuvendi ratifikon statutin Trepça fillon një etapë të re pasi nis punën pa obligime”, ka thënë kryeministri Ramush Haradinaj.