Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot janë bërë 24 vjet nga themelimi i Universitetit të Tetovës për t’i dhënë fund diskriminimit që i bëhej popullit shqiptar në Maqedoni dhe për të trasuar një të ardhme më të mirë për të gjitha etnitetet që jetojnë në këtë vend. Universiteti i Tetovës u lind nga ëndrra shekullore për arsimim në gjuhën amtare, duke dhënë një kontribut të jashtëzakonshëm në formimin e brezave të tërë të studentëve, inxhinierëve, arsimtarëve e kështu me radhë. Me themelimin e Universitetit të Tetovës gjendja politike, ekonomike, sociale, shoqërore e kombëtare e shqiptarëve në Maqedoni ka ndryshuar dukshëm dhe deri te ky ndryshim ka ardhur duke iu falënderuar punës së këtij institucioni arsimor. Për mbrojtjen e këtij universiteti, shqiptarët organizuan edhe shumë protesta, në të cilat është vrarë edhe një i ri shqiptar.
