Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Lahi Brahimaj, ka përjashtuar kategorikisht mundësinë që partia e tij të bashkëqeverisë me Lëvizjen Vetëvendosje në një mandat të tretë të Albin Kurtit. Ai theksoi se për AAK-në, zgjedhjet e reja janë alternativa e vetme nëse Kurti nuk siguron shumicën. “Qëndrimi ynë është i prerë – nuk ka asnjë skenar që AAK-ja të bëhet pjesë e një Qeverie Kurti. Nëse nuk i kanë votat, atëherë rruga e drejtë janë zgjedhjet,” tha Brahimaj në një prononcim për media. Sipas tij, Kurti po zvarrit qëllimisht procesin e formimit të institucioneve, duke mos treguar vullnet politik për bashkëpunim me partitë tjera. “Që prej ditës kur e ka propozuar Albulena Haxhiun për kryetare të Kuvendit, s’ka pasur asnjë përpjekje serioze për të ndërtuar shumicë. Ai nuk lobon për ekipin e vet, por për Nenad Rashiqin – për të siguruar numra nga të tjerët. Kjo tregon mungesë serioziteti,” shtoi Brahimaj. Ai nënvizoi se AAK-ja nuk kërkon poste e as përfshirje në qeverisje, por mbetet e gatshme të mbështesë një shumicë të re opozitare që do t’i jepte fund paqartësisë aktuale. “Ne kemi deklaruar qartë – jemi të gatshëm të japim votën për një qeveri të opozitës, vetëm që vendi të dalë nga kriza politike,” përfundoi ai.
